XXI საუკუნის თვალის ეპიდემია
თვალის ზედაპირის პრობლემები პირველ ადგილზე დგას ოფთალმოლოგთან მიმართვიანობის სიხშირით, მათ შორის პრევალირებს მშრალი თვალის დაავადება(მთდ). სულ რაღაც 20 წლის წინ ამ პრობლემაზე საერთოდ არ იყო საუბარი, დღეს კი აქტუალურია ტერმინი - „მშრალი თვალის ეპიდემია“.
ჩატარებული კვლევების მიხედვით მოსახლეობის 22-30 %-ს აღენიშნება მთდ, ყოველ მე-3 ადამიანს აქვს დისკომფორტი კომპიუტერთან მუშაობის დროს. მშრალ თვალს აქვს მნიშვნელოვანი გავლენა სიცოცხლის ხარისხზე და ჯანმრთელობაზე, 2-3 ჯერ აქვეითებს ადამიანის საერთო აქტივობას, შრომის უნარიანობას და იწვევს დაღლილობის შეგრძნებას.
რა არის მშრალი თვალის სინდრომი?
მშრალი თვალის სინდრომი ყალიბდება ცრემლის აპკში განვითარებული ცვლილების გამო - აღარ გამომუშავდება საკმარისი ოდენობის ცრემლი, შეცვლილია მისი ხარისხი ან ხდება ცრემლის დიდი რაოდენობით აორთქლება. აორთქლების მიზეზი შესაძლოა იყოს მეიბომიის ჯირკვლების (რომლებიც მდებარეობს ქუთუთოების კიდეებზე) დაავადება, ქუთუთოს სხვადასხვა ანთებითი პროცესების განვითარება, თვალის ხამხამის დაბალი სიხშირე და სხვა.
რა ახდენს გავლენას მშრალი თვალის განვითარებაზე?
- კომპიუტერთან დიდი დროის გატარება,
- ახლო მანძილზე ხანგრძლივად გარკვეული საქმის კეთება, როცა საჭიროა მობილიზება და თვალი დაძაბვა, რაც იწვევს ქუთუთოს ხამხამის გაიშვიათებას
- კონტაქტური ლინზების ტარება
- ქუთუთოს დაავადებები
- კონდიცირება და დახურულ სივრცეში ისეთი დანადგარების არსებობა, რომლებიც ამცირებენ ჰაერის ტენიანობას
- ქარიან ამინდში სიარული
- თამბაქოს მოხმარება
- რქოვანას რეფრაქციული ოპერაციები (თუმცა უმეტეს შემთხვევაში ამ დროს სიმშრალე გარდამავალია)
- მედიკამენტები: ანტიდეპრესანტები, ანტიჰისტამინური, ანტიჰიპერტენზიული , აკნეს სამკურნალო საშუალებები.
- მდედრობითი სქესი
- ასაკი (50 წელს ზემოთ)
მშრალი თვალის სინდრომი ასოცირებულია ისეთ სისტემურ დაავადებებთან, როგორიცაა:
- დიაბეტი
- ფარისებრი ჯირკვლის დაავადებები
- რევმეტოიდული ართრიტი
- შეგრენის სინდრომი
- სისტემური წითელი მგლურა
გარდა ამისა , კვლევების საფუძველზე დადასტურდა, რომ პირბადის ხანგრძლივმა გამოყენებამ გამოიწვია თვალის სიმშრალის მქონე პაციენტების რაოდენობრივი ზრდა. სიმპტომები გამოუვლინდათ იმ პირებსაც, ვისაც ამ დრომდე მშრალი თვალის სინდრომი არ აღენიშნებოდათ!
- როგორი მკურნალობაა მოწოდებული მშრალი თვალის სინდრომის დროს?
უმეტეს შემთხვევაში , მკურნალობა ხდება დამატენიანებელი, ხელოვნური ცრემლის ჯგუფის პრეპარატებით, თუმცა ამ ჯგუფის პრეპარატების ხშირი და ხანგრძლივი მოხმარების შემთხვევაში რეკომენდებულია უკონსერვანტო თვალის წვეთების გამოყენება.მნიშვნელოვანია, რომ მშრალი თვალის სინდრომის მძიმე, არანამკურნალებ შემთხვევაში შეიძლება ადგილი ჰქონდეს თვალის ანთებითი პროცესების განვითარებას და შედეგად რქოვანას გამჭვირვალობის დაქვეითებას.
დამატენიანებელი წვეთის შერჩევისას აუცილებელია ყურადღება მიაქციოთ დამატენიანაბელი კომპონენტის პროცენტულ შემცველობას, ხარისხს, გამოშვების ქვეყანას, კონსერვანტის შემცველობას, ასევე დასაშვებია თუ არა ლინზაზე გამოსაყენებლად.
ნექსტალ გელი - ყველაზე მაღალ კონცენტრირებული დამატენიანებელია საქართველოში , ბლანტი სტრუქტურის , განაპირობებს თვალის ზედაპირის ინტენსიურ და ხანგრძლივ დატენიანებას. მასში შემავალი ამინომჟავები, წარმოადგენს რა საშენ მასალას ნებისმიერი ცილოვანი თუ კუნთოვანი ქსოვილისთვის , უზრუნველყოფს დაზიანებული საცრემლე აპკის და სტრუქტურული ერთეულების სწრაფ აღდგენას. დასაშვებია ლინზაზე რაც მის კომფორტულობას ზრდის
გარდა ამისა, თუ გავითვალისწინებთ, რომ ნექსტალ გელის ორჯერადი ჩაწვეთებასც კი ხშირად საკმარისია , პაციენტისთვის მისი გამოყენება ფარმაკოეკონომიურია.