ვიტამინების მნიშვნელობა ლაქტაციის პერიოდში

ბავშვის დაბადების შემდეგ დედის ორგანიზმი ძლიერ სტრესს განიცდის. ეს არამხოლოდ ოჯახის ახალი წევრის გაჩენის, არამედ აუცილებელი ნივთიერებების დეფიციტის ბრალიც არის.

მთელი 9 თვის განმავლობაში ორსული იკვებებოდა ჯანსაღად, იღებდა კალორიულ საკვებსა და სასარგებლო ვიტამინებს. ბავშვის გაჩენის შემდეგ კვების რეჟიმის უეცარი ცვლილება და ვიტამინების მიღებაზე უარის თქმა ორგანიზმზე უარყოფითად მოქმედებს.

ძუძუთი კვების პროცესი ქალს დიდი რაოდენობით ენერგიას ართმევს, ორგანიზმს ასუსტებს და მოითხოვს ვიტამინური მარაგის შევსებას, რადგან დროის უკმარისობის გათვალისწინებით ქალისთვის რთულია სწორად და სრულყოფილად კვება.

მეძუძური დედის საკვებში, სასარგებლო ნივთიერებებისა და ვიტამინების ნაკლებობამ ,შეიძლება გამოიწვიოს ჰიპოგალაქტია - დედის რძის რაოდენობის შემცირება.

არსებობს ვიტამინების კომპლექსები, რომლებიც სპეციალურად მეძუძური დედებისთვისაა შექმნილი. მშობიარობის შემდეგ აუცილებელია პერინატალური ვიტამინების ყოველდღიურად მიღება. წინააღმდეგ შემთხვევაში, შეიძლება უამრავი პრობლემის წინაშე დავდგეთ.

უპირობოდ, მეძუძურ დედას ესაჭიროება ისეთი ნივთიერებები და ვიტამინები როგორებიცაა:

ომეგა 3 - დედებისა და ახალშობილებისათვის ძალზე მნიშვნელოვანია. როდესაც დედა იღებს ამ სასიცოცხლოდ მნიშვნელოვან ცხიმოვან მჟავებს, ისინი რძით გადაეცემა ჩვილს და უზრუნველყოფს მისი ტვინისა და მხედველობის სრულფასოვან განვითარებას. ტვინი და თვალი განვითარების საკმაოდ დიდ გზას გადის ცხოვრების პირველი წლის განმავლობაში და ამიტომ ჩვილისათვის ომეგა 3 - ის მიღება ძალზედ მნიშვნელოვანია.

პრობიოტიკი - ორსულობისა და ძუძუთი კვების პერიოდში პრობიოტიკების რეგულარულად მიღება ხელს უწყობს ჩვილის ჯანმრთელი იმუნური სისტემის ჩამოყალიბებას. პრობიოტიკები ასევე ეხმარებასაჭმლის მომნელებელი სისტემის მოწესრიგებულ მუშაობას და თავიდან აგვაცილებს ჩვილებში ხშირად განვითარებულ ისეთ პრობლემებს, როგორებიცაა ნაწლავის კოლიკა და დიარეა.

ვიტამინი С ხელს უწყობს შემაერთებელი ქსოვილის წარმოქმნას, აგრეთვე – ზრდის ორგანიზმის უნარს ებრძოლოს ანთებებსა და ინფექციებს.

ვიტამინი В2 – უზრუნველყოფს ფარისებრი ჯირკვლის სწორ ფუნქციონირებას, რაც ორგანიზმის ჰორმონალური ბალანსის საფუძველია. მონაწილეობს რკინის ცვლაში და დადებითად მოქმედებს ღვიძლის ფუნქციაზე. მონაწილეობს ნივთიერებათა ცვლის მრავალ პროცესში და ზრდის ერთ-ერთი მთავარი ვიტამინია. დიდი მნიშვნელობა აქვს ძვლოვანი ჩონჩხის, კუნთების და ნერვული სისტემის ფორმირებაში. B2 – ის დეფიციტი იწვევს თვალებისა და კანის დაზიანებებს.

ვიტამინები В3 და РР – აუმჯობესებენ სისხლძარღვების მუშაობას.

ვიტამინი B6 არეგულირებს დედის ნერვული სისტემის დარღვევებს(ამცირებს გაღიზიანებადობას, აგრესიულობას). არეგულირებს ძილის ციკლს და ეხმარება ორგანიზმს მელატონინის გამომუშავებაში.

ვიტამინი В9 (ფოლიუმის მჟავა) საჭიროა ჩვილის ორგანოების სწორი ფორმირებისთვის.

ბიოტინი - ერთ-ერთი ძირითადი მკვებავი ნივთიერებაა, რომელიც ორგანიზმს ზრდაში ეხმარება. ბიოტინის წყალობით ბავშვის კანი არის ჯანმრთელი და უფრო მდგრადი კანის სხვადასხვა დაავადებების მიმართ.

ვიტამინი B12 -ის ნაკლებობა ორგანიზმში იწვევს ანემიას, ნერვული სისტემისა და საჭმლის მომნელებელი სისტემების დაზიანებას.

ვიტამინი D აუცილებელია პატარას სწორი ზრდისთვის და დედის ჯანმრთელობისთვის. ეხმარება ორგანიზმს კალციუმისა და ფოსფორის ათვისებაში. აუცილებელია ჩონჩხის სიმრთელის შესანარჩუნებლად. ბოლოდროინდელმა კვლევებმა აჩვენა, რომ იგი საკვანძო ელემენტია იმუნური სისტემის მხარდასაჭერად.

რკინა პასუხისმგებელია სისხლის შემადგენლობაზე, სისხლში რკინის დაბალმა შემცველობამ შეიძლება გამოიწვიოს ანემია და ბავშვის განვითარების შეფერხება.

ვიტამინი E ძუძუთი კვების დროს ხელს უწყობს ჩვილის აქტიურ ზრდას, ნერვული, ენდოკრინული სისტემების ჯანსაღ განვითარებას, ერითროციტების გამომუშავების ნორმალიზაციას, სასუნთქი სისტემის ადგილობრივი იმუნიტეტის გაუმჯობესებას.

თუთია ააქტიურებს რძის გამომუშავებას. ძუძუთი კვების დროს ჩვილს თუთიის დეფიციტის არ უვითარდება, რადგან დედის რძე უზრუნველყოფს ბავშვისათვის თუთიის ასაკობრივად საჭირო 2 მგ-ის მიწოდებას. თუთია ასტიმულირებს ბავშვის ზრდა-განვითარებას, ხელს უწყობს ძვლების, კანის, თმის, ფრჩხილების გაჯანსაღებას.

მულტიფოლიკო DHA - ვიტამინების,მინერალების და მიკროელემენტების კომპლექსი პრობიოტიკთან და ომეგა 3-თან ერთად მატებს ენერგიას, ააქტიურებს რძის გამომუშავების პროცესს და ამდიდრებს რძეს ჩვილის ნორმალური ზრდა განვითარებისთვის საჭირო ნივთიერებებით.

წითელი კაფსულა დილით,შავი კაფსულა საღამოს,ჭამის შემდეგ.