ჩვენება:

იგი ნაჩვენებია შემდეგი მიკროორგანიზმების მგრძნობიარე შტამებით გამოწვეული ბაქტერიული კონიუქტივიტის სამკურნალოდ: Corynebacteriun species, Micrococcus luteus, Staphylococcus aureus, Staphylococcus epidermidis, Staphylococcus haemolyticus, Staphylococcus hominis, Staphylococcus warneri, Staphylococcus pneumoniae, Streptococcus viridans ჯგუფის სახეობები (აერობული გრამდადებითი მიკროორგანიზმები). Acinetobacter iwoffii, Haemophilus parainfluenzae (აერობული გრამუარყოფითი მიკროორგანიზმები), Chlamidia trachomatis (სხვა მიკროორგანიზმები).

უკუჩვენება

მოქსიფლოქსაცინის ხსნარი უკუნაჩვენებია მოქსიფლოქსაცინის, სხვა ქინოლონების ან ამ ფორმულაციის ნებისმიერი კომპონენტის მიმართ ჰიპერმგრძნობელობის მქონე პაციენტებში.

ფარმაკოლოგიური თვისებები

ფარმაკოდინამიკური თვისებები:

ფარმაკოთერაპიული ჯგუფი: ოფთალმოლოგიური, ინფექციის საწინაღმდეგო ან სხვა ინფექციის საწინააღმდეგო საშუალება.

ათქ კოდი: S01AE07

მოქმედების მექანიზმი:

მოქსიფლოქსაცინი არის მეოთხე თაობის ფტორქინოლონი, იგი აინჰიბირებს დნმ-ჰირაზას და ტოპოიზომერაზა IV-ს, რომელიც საჭიროა ბაქტერიული დნმ-ის რეპლიკაციის, აღდგენისა და რეკომბინაციისთვის.

ფარმაკოკინეტიკა:

ლამოფლოქსის ოფთალმოლოგიური მიღების შემდეგ მოქსიფლოქსაცინი შეიწოვება სისტემურ ცირკულაციაში. მოქსიფლოქსაცინის პლაზმური კონცენტრაცია გაზომილ იქნა 21 ზრდასრულ მამაკაცსა და ქალში. ისინი იღებდნენ მოქსიფლოქსაცინის თვალის წვეთებს ორივე თვალში ადგილობრივად 3-ჯერ დღეში 4 დღის განმავლობაში.საშუალო წონასწორობის მდგრადობა Cmax და AUC იყო 2,7ნგ/მლ, და 41.9 ნგ.სთ/მლ შესაბამისად. ექსპოზიციის ეს მაჩვენებლები დაახლოებით 1,600 და 1,200-ჯერ უფრო დაბალია, ვიდრე საშუალო Cmaxდა AUC მოქსიფლოქსაცინის 400მგ თერაპიული პერორალური დოზის შემდეგ. პლაზმიდან მოქსიფლოქსაცინის ნახევარგამოყოფის პერიოდი შეადგენს დაახლოებით 13 საათს.

გაფრთხილება და სიფრთხილის ზომები

პაციენტებში, რომლებიც სისტემურად ღებულობენ ქინოილონებს, აღინიშნება მძიმე და ზოგჯერ ფატალური ჰიპერმგრძნობელობითი (ანაფილაქსიური) რეაქციები, იშვიათად პირველი დოზის შემდეგაც. ზოგიერთ რეაქციას თან ახლდა გულ-სისხლძარღვთა უკმარისობა, ცნობიერების დაკარგვა, ანგიონევროტული შეშუპება (ხახის, ხორხისა თუ სახის სეშუპება), სასუნთქი გზების ობსტრუქცია, ქოშინი, ჭინჭრის ციება და ქავილი (იხილეთ გვერდითი მოვლენები).

ლამოფლოქსის გამოყენებისას ალერგიული რეაქციის განვითარების შემთხვევაში უნდა შეწყდეს პრეპარატის გამოყენება. მოქსიფლოქსაცინის ან პრეპარატში შემავალი ნებისმიერი კომპონენტის მიმართ მძიმე მწვავე ჰიპერმგრძნობელობითი რეაქცია საჭიროებს დაუყოვნებლივ მკურნალობას. კლინიკური ჩვენებების არარსებობისას საჭიროა ჟანგბადის გამოიყენება და სასუნთქი გზების გახსნა.

ინფექციის საწინააღმდეგო სხვა საშუალებების მსგავსად, ხანგრძლივმა გამოყენებამ შეიძლება გამოიწვიოს არამგრძნობიარე მიკროორგანიზმების გადაჭარბებული ზრდა, სოკოვანი ინფექციის ჩათვლით. სუპერინფექციის განვითარების შემთხვევაში შეწყვიტეთ პრეპარატის მიღება და სასწრაფოდ დაიწყეთ ალტერნატიული მკურნალობა.

ფტორქინოლონებით, მათ შორის მოქსიფლოქსაცინით სისტემური მკურნალობის პერიოდში შესაძლოა თავი იჩინოს ანთებამ და მყესის გაწყვეტამ განსაკუთრებით ხანდაზმულ პაციენტებში და იმ პაციენტებში რომლებიც პარარელურად იღებენ კორტიკოსტეროიდებს. ლამოფლოქსის თვალში ჩაწვეთების შემდეგ, მოქსიფლოქსაცინის პლაზმური კონცენტრაცია უფრო დაბალია ვიდრე მოქსიფლოქსაცინის პერორალურად მიღებისას (იხილეთ წამალთშორისი ურთიერთქმედება და ფარმაკოკინეტიკა). თუმცა, საჭიროა სიფრთხილე და მყესების ანთების პირველივე ნიშნების გამოვლენისას უნდა შეწყდეს ლამოფლოქსით მკურნალობა (იხილეთ გვერდითი მოვლენები).

ახალშობილებში კონიუქტივიტის მკურნალობისას ლამოფლოქსის თვალის წვეთების ეფექტურობისა და უსაფრთხოების მონაცემები არ არის დადგენილი. ამიტომ, ახალშობილებში კონიუქტივიტის მკურნალობა ამ სამკურნალო პრეპარატით არ არის რეკომენდებული.

ლამოფლოქსი არ გამოიყენება გონოკოკური კონიუქტივიტის (გონოკოკური ophthalmia neonatorum) პროფილაქტიკასა თუ ემპირიული მკურნალობისთვის, ფტორქინოლონ-რეზისტენტული Neisseria gonorrhoeae-ს საჭიროების გამო. პაციენტებმა Neisseria gonorrhoeae-თი გამოწვეული თვალის ინფექციით უნდა ჩაიტარონ შესაფერისი სისტემური მკურნალობა.

ეს სამკურნალო პრეპარატი არ არის რეკომენდებული Chlamydia trachomatis-ის სამკურნალოდ 2 წლამდე ასკის პაციენტებში, ვინაიდან ასეთ პაციენტებში არ არის შეფასებები. 2 წელზე მეტი ასაკის პაციენტებში, Chlamydia trachomatis-თი გამოწვეული თვალის ინფექციის დროს უნდა ჩატარდეს სისტემური მკურნალობა.

ახალშობილებში neonatal ophthalmia -თი უნდა ჩატარდეს შესაფერისი მკურნალობა, მაგ. Chlamydia trachomatis-ით ან Neisseria gonorrhoeae-თი გამოწვეული შემთხვევების სისტემური მკურნალობა.

პაციენტები გაფრთხილებულნი უნდა იყვნენ, რომ თვალის ბაქტერიული ინფექციის სიმპტომებისა და ნიშნების არსებობისას და ატარონ კონტაქტური ლინზები.

ფერტილობა, ორსულობა და ლაქტაცია

ორსულობა

ორსულ ქალებში ლამოფლოქსის გამოყენების საკმარისი მონაცემები არ არსებობს. თუმცა, ორსულობის დროს რაიმე ზეგავლენა მოსალოდნელი არ არის, ვინაიდან მოქსიფლოქსაცინის სისტემური ექსპოზიცია უმნიშვნელოა. ამ პრეპარატის გამოყენება შესაძლებელია ორსულობის დროს.

ლაქტაცია

არ არის ცნობილი გამოიყოფა თუ არა მოქსიფლოქსაცინი/მეტაბოლიტები დედის რძეში. ცხოველებზე ჩატარებულმა კვლევებმა, მოქსიფლოქსაცინის პერორალური მიღების შემდეგ აჩვენა დედის რძეში მცირე რაოდენობით ექსკრეცია. თუმცა, ლამოფლოქსის სამკურნალო დოზის მიღებისას გავლენა არ არის მოსალოდნელი მეძუძურ ბავშვზე. ამ პრეპარატის გამოყენება შეიძლება ლაქტაციის დროს.

ფერტილობა

არ არის კვლევები თუ რა გავლენას ახდენს ლამოფლოქსის ოფთალმოლოგიური გამოყენება ფერტილობაზე.

გავლენა ავტომობილის მართვისა და მექანიზმებთან მუშაობის უნარზე

ლამოფლოქსის გავლენა ავტომობილის მართვაზე და მექანიზმებთან მუშაობის უნარზე ნოლია ან უმნიშვნელოა. თუმცა, სხვა ნებისმიერი თვალის წვეთების მსგავსად, ბუნდოვანმა მხედველობამ და მხედველობის სხვა დარღვევებმა შეიძლება ზეგავლენა იქონიოს ავტომობილის მართვისა და მექანიზმებთან მუშაობის უნარზე. ჩაწვეთების დროს მხედველობის დაბინდვის შემთხვევაში, ავტომობილის მართვისა და მექანიზმებთან მუშაობის დაწყებამდე პაციენტმა უნდა მოიცადოს სანამ მხედველობა მოწესრიგდება.

დოზა და მიღების წესი:

მიღების წესი: ოფთალმოლოგიური

მოზრდილების და თინეიჯერების დოზა

ბაქტერიული კონიუქტივიტი: დაზიანებულ თვალში ჩაიწვეთეთ 1 წვეთი დღეში სამჯერ შვიდი დღის განმავლობაში.

პედიატრიული დოზა

1 წელზე მეტი ასაკის ბავშვები: იხილეთ მოზრდილების და თინეიჯერების დოზა.

გერიატრიული დოზა

იხილეთ მოზრდილების და თინეიჯერების დოზა.

შენიშვნა: არ შეახოთ ბოთლის საწვეთურის წვერი არანაირ ზედაპირს, ამ ქმედებით შეიძლება დაბინძურდეს ხსნარი. მიჰყევით ინსტრუქციას მკურნალობის ბოლომდე.

პედიატრიული პოპულაციები

კლინიკურ კვლევებში ლამოფლოქსმა აჩვენა რომ მისი გამოყენება პედიატრიულ პაციენტებში და ახალშობილებში უსაფრთხოა. 18 წელზე ნაკლები ასაკის პაციენტებში აღინიშნა ორი ყველაზე ხშირი რეაქცია: თვალის გაღიზიანება და თვალის ტკივილი, ორივე ინციდენტი მოხდა 0.9%.

ბავშვების მონაწილეობით (ახალშობილების ჩათვლით) კლინიკური კვლევებიდან მიღებული მონაცემებით, გვერდითი მოვლენების ტიპი და სიმძიმე პედიატრიულ პოპულაციებში მოზრდილების მსგავსია.

ჭარბი დოზირება

კონიუქტიური პარკის მიერ ოფთალმოლოგიური პროდუქტების შეზღუდული შეთვისების უნარი პრაქტიკულად გამორიცხავს სამკურნალო პრეპარატის ჭარბ დოზირბას. მოქსიფლოქსაცინის საერთო რაოდენობა ერთ ბოთლში ძალიან მცირეა რათა გამოიწვიოს გვერდითი მოვლენები.

შენახვის ვადა: 3 წელი

შენახვის პირობები: შეინახეთ არაუმეტეს 30°C ტემპერატურაზე, ბავშვებისაგან მიუწვდომელ ადგილას.

ბოთლი შეინახეთ მჭიდროდ დახურულ მდგომარეობაში.

გახსნის შემდეგ გამოიყენეთ მაქსიმუმ ერთი თვის განმავლობაში.

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი: VITALINE S.A.C

Mz B, Lote 1 Zed Paita-Piura