აღდგენილი გლუტათიონი 600მგ
ფარმაკოლოგიური თვისებები:
ფარმაკოდინამიკა:
გლუტათიონი არის ბუნებრივი ტრიპეპტიდი, რომელიც შედგება: გლუტამინის მჟავის, ცისტეინისა და გლიცინისაგან, რომლებიც მონაწილეობენ რამდენიმე ბიოლოგიურ პროცესში და მნიშვნელოვან როლს თამაშობენ დეტოქსიკაციურ რეაქციაში, იცავენ რა უჯრედებს ქსენობიოტიკების, ეკოლოგიური და უჯრედშიდა ოქსიდანტების, გამოსხივების მავნე ზეგავლენისაგან. გამოკვლევებმა აჩვენეს, რომ გლუტათიონი თამაშობს ორგანიზმისთვის დამცავ როლს ისეთ პათოლოგიურ სიტუაციებში, რომლებიც იწვევენ უჯრედის დაზიანებას, ისეთი სიტუაციები, როგორიცაა ინტოქსიკაცია: ეთანოლის სპირტით, პარაცეტამოლით, სალიცილატებით, ფენობარბიტალით, ტრიციკლური ანტიდეპრესანტებით, ფოსფოროორგანული ინსექტიციდებით და ა.შ.
ნოქსიმედი, როგორც ტრიპეპტიდი, ერთვება გამა გლუტამინურ ციკლში და მონაწილეობს რნმ–ისა და პროტეინების სინთეზში. ახდენს ჰეპატოციტების პროლიფერაციისა და რეგენერაციის პროცესების სტიმულაციას. ნოქსიმედი –SH თიოლური ჯგუფების შემცველი ენზიმების აღდგენით აუმჯობესებს ღვიძლის ენერგეტიკულ მეტაბოლიზმს. პრეპარატი მნიშვნელოვან როლს ასრულებს ორგანიზმის დეტოქსიკაციაში. ზრდის ქსენობიოტიკების მეტაბოლიტების ჰიდროფილურობას, მათ გამოყოფას ორგანიზმიდან. ნოქსიმედი აუმჯობესებს ნაღვლის მჟავების რეოლოგიურ თვისებებს, ამცირებს მათ დამაზიანებელ მოქმედებას ღვიძლზე. ნოქსიმედი ახდენს ცისპლატინითა და მისი წარმოებულებით ინდუცირებული ნეიროტოქსიურობის პროფილაქტიკას. გლუტათიონი ხელს უშლის პლატინის აკუმილირებას პერიფერიულ ნერვულ სისტემაში, განსაკუთრებით ზურგის ტვინის უკანა ნერვული ფესვებში, რაც საშუალებას იძლევა მიღწეული იქნას ქიმიოთერაპიული პრეპარატების მაღალი კუმულაციური დოზები.
კლინიკური მახასიათებლები:
თერაპიული ჩვენებები::
გასტროენტეროლოგია: სხვადასხვა გენეზის ჰეპატიტი, ჰეპატოზი, ციროზი, ქოლესტაზი
ონკოლოგია:ქიმიო და სხივური თერაპიით გამოწვეულია ჰეპატო, ნეირო და ნეფროტოქსიურობის პროფილაქტიკა და მკურნალობა
ნევროლოგია:სხვადასხვა გენეზის პოლინეიროპათია, პარკინსონიზმი, ალცჰეიმერის დაავადება, აბსტინენციის სინდრომი
ტოქსიკოლოგია:მძიმე მეტალებით მოწამვლა; მედიკამენტოზური, კვებითი, ალკოჰოლური ინტოქსიკაცია
ნარკოლოგია: აბსტინენციის სინდრომი, ალკოჰოლური და ნარკოტიკული საშუალებებით გამოწვეული პოლინეიროპათიები ;
ენდოკრინოლოგია:დიაბეტური ნეიროპათია, ტოქსიური ჩიყვი, მეტაბოლური სინდრომი, გლუკოტოქსიურობა
ანესთეზიოლოგია: საანესთეზიო საშუალებებით გამოწვული ნეიროტოქსიურობის მკურნალობhა
დერმატოლოგია: ფსორიაზი, ვიტილიგო, ეგზემა, აკნე, პიგმენტური ლაქები, კანის ასაკობრივი ცვლილებები.
ანდროლოგია: მამაკაცთა უნაყოფობა, სპერმის ხარისხობრივი მაჩვენებლების დაქვეითება
დოზირება და მიღების წესი:
1–2 ფლაკონი ნოქსიმედი ერთხელ დღეში დაავადების სიმძიმის მიხედვით; ი/მ, ი/ვ ნელა, ან ემატება საინფუზიო ხსნარს.
ქიმიოთერაპიის დროს რეკომენდირებული დოზაა 1,5 გ/მ2 (2,5გ), ცისპლატინის ან მსგავსი პრეპარატების მიღებამდე 20–30 წუთით ადრე
უკუჩვენება:
ჰიპერმგრძნობელობა ნოქსიმედში შემავალი აქტიური ნივთიერების მიმართ.
განსაკუთრებული მითითებები და სიფრთხილის ზომები:
ნოქსიმედის ეფექტურობა და უსაფრთხოება არ არის გამოკვლეული ბავშვებში.
ყურადღება: პარენტერალური გამოყენების დროს დეტალურად უნდა იქნას შეფასებული მედიკამენტის ფერი და მასში გაუხსნელი ნაწილაკების არსებობა.
არ გამოიყენოთ პრეპარატი თუ შენიშნეთ ფერის შემღვრევა ან ნალექი.
შეინახეთ ბავშვებისთვის მიუწვდომელ ადგილზე.
მოქმედება სხვა მედიკამენტებთან :
გლუტათიონის ფარმაკოლოგიური ურთიერთქმედება სხვა მედიკამენტებტან აღწერილი აარ არის.
რეკომენდირებულ დოზებში ნოქსიმედი არ უშლის ხელს ქიმიოთერაპიულ აგენტებს.
ორსულობადა ლაქტაციის პერიოდი:
არსებული მონაცემები ცხადყოფს, რომ გლუტათიონი ფიზიოლოგიურად იმყოფება ორგანიზმის უჯრედებში და არ ახდენს მავნე ზეგვალენას ორსულობისა და ლაქტაციის პერიოდზე.
არ მოქმედებს ემბრიონის / ნაყოფის ჩამოყალიბებაზე და არ იწვევს მშობიარობის დაჩქარებას.
ზემოქმედება ტრანსპორტის მართვის დროს:
ნოქსიმედი არ მოქმედებს ან უმნიშნელოდ მოქმედებს მექანიკური და სატრანსპორტო საშუალებების მართვის უნარზე.
გვერდითი ეფექტები:
ი/მ შეყვანის შემდეგ იშვიათად იყო დაფიქსირებული გამონაყარი კანზე, რომელიც მკურნალობის დასრულებისთანავე გაქრა.
ასევე შესაძლოა უმნიშვნელო ტკივილი ინექციის ადგილზე. როგორც ყველა ინტრავენური მედიკამენტების შემთხვევაში, შესაძლოა წარმოიქმნას ფებრილური რეაქციები, ინფექცია ინექციის ადგილას, ვენური თრომბოზი ან ფლებიტები.
იმ შემთხვევაში თუ ინტრავენური ინფუზიის დროს გამოვლინდა უკურეაქცია, დაუყონებლივ უნდა მოხდეს მედიკამენტის შეყვანის შეწყვეტა. გამოუყენებელი სითხე უნდა იქნას დაცული გამოსაკვლევად.
ჭარბი დოზირება:
ჭარბი დოზირება დაფიქსირებული არ არის. იმ შემთხვევაში თუ დაფიქსირდა ჭარბი დოზირება, შესაძლოა გამოყენებულ იქნას სიმპტომური მკურნალობა.
გამოშვების ფორმა:
600მგ/3მლ 600მგ ფხვნილი ი.მ. და ი.ვ. საინიექციო ხსნარის მოსამზადებლად ფლაკონი №10 და 3მლ გამხსნელი ამპულა №10
შენახვის პირობები:
შეინახეთ არაუმეტეს25°C-ზე.
შეინახეთ ბავშვებისთვის მიუწვდომელ ადგილზე!
ნოქსიმედის აღწერა და შეფუთვის ფორმა
ნოქსიმედი მოთავსებულია კოლოფში, ფლაკონში მოთავსებულ ფხვნილთან და
გამხსნელთან ერთად, საინექციო ხსნარის მოსამზადებლად.
ყუთი:
- 10 600 მგ გლუტათიონის ფლაკონი 10 გამხსნელ ამპულასთან ერთად რომელშიც არის 3მლ საინექციო წყალი.
გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.
სავაჭრო ნებართვის მფლობელი და მწარმოებელი
Laboratorio Italiano Biochimico Farmaceutico LISAPHARMA S.p.A, Via Licinio, 11-22036, ERBA (CO) იტალია
ტელეფონი: +39-31 641257
ფაქსი: +39 – 31 644182
ელ-ფოსტა: lisapharma@lisapharma.it
ექსკლუზიური დისტრიბუტორი:
Perrery Farmaceutici S.r.I
Corso San Lorenzo, 1, 37026 Pescantina (VR), იტალია
მოცემული ჩანართი განახლდა