ბაქტიგრამი 250 მგ/5მლ

გრანულები პერორალური სუსპენზიისთვის 

ცეფაკლორი

ბაქტიგრამი-მეორე თაობის ცეფალოსპორინების ჯგუფის ნახევრადსინთეზური ანტიბიოტიკი, ბაქტერიციდული აქტივობით გრამდადებითი და გრამუარყოფითი უმრავლესობა ბაქტერიების მიმართ.

ჩვენებები:

სასუნთქი გზების ინფექციები,(პნევმონია, ბრონქიტი, ფარინგიტი და ტონზილიტი) ქრონიკული ანთების გაუარესება (გამწვავება). 

● შუა ყურის ბაქტერიული ანთება (შუა ყურის ოტიტი);
● კანის და რბილი ქსოვილის ინფექციები;
● საშარდე გზების ინფექციები, მათ შორის თირკმლის ანთება (პიელონეფრიტი) და ქვედა საშარდე გზების ინფექციები (ცისტიტი);
● პარანაზალური წიაღების ლორწოვანი გარსის ანთება (სინუსიტი);
● საშარდე გზების ბაქტერიული ანთება (გონოკოკური ურეთრიტი).

სიფრთხილე და უსაფრთხოების ზომები

ბაქტიგრამის მიღებამდე მიმართეთ ექიმს ან ფარმაცევტს:

ბაქტიგრამით მკურნალობის დაწყებამდე თქვენმა ექიმმა უნდა გამოიკვლიოს ხართ თუ არა ალერგიული ცეფალოსპორინის ან პენიცილინის მიმართ, რათა თავიდან აიცილოთ ის მძიმე რეაქციები (ანაფილაქსია) რომლებიც გამოვლინდება მისი მიღების შემდეგ. ეს რეაქციები ვლინდება კანზე, კუჭ-ნაწლავის სიმპტომებზე, რესპირატორულ  დონეზე და სისხლის კოაგულაციაზე.

თუ ბაქტიგრამის მიღების შემდეგ აღგენიშნებათ ალერგიული რეაქციები, დაუყოვნებლივ შეწყიტეთ აღნიშნული მედიკამენტის მიღება და კონსულტაციისთვის მიმართეთ ექიმს.  

გამოყენება ახალშობილებში

ბაქტიგრამის გამოყენება დასაშვებია 1 თვის ასაკიდან.

ორსულობა, ლაქტაცია და ფერტილობა

არ გამოიყენოთ ბაქტიგრამი ორსულობის დროს თუ იგი დანიშნული არ არის ექიმის მიერ.

ძუძუთი კვების დროს სამედიცინო პროდუქტი გამოიყენეთ სიფრთხილით.

გავლენა ავტომობილის და სხვა მექანიზმების მართვის უნარზე

ბაქტიგრამი არ ახდენს გავლენას ავტომობილისა და სხვა მექანიზმების მართვის უნარზე. 

ბაქტიგრამის მიღების წესი.

მედიკამენტის მიღება უნდა მოხდეს ზუსტად ექიმის ან ფარმაცევტის დანიშნულების შესაბამისად. სამედიცინო პროდუქტი მიიღება პერორალურად, კვებასთან კავშირის გარეშე.

რეკომენდებული დოზა:

გამოყენება ბავშვებში:

20მგ/კგ წონაზე დაანგარიშებით, გაყოფილი დოზებით ყოველ 12 საათში; 

უფრო ძლიერი ინფექციების შემთხვევაში (შუა ყურის ანთება, პნევმონია) რეკომენდებული 40მგ/კგ სადღეღამისო დოზა.

მაქსიმალური სადღეღამისო დოზა 1გ.

გამოყენების ინსტრუქცია:

წამლის მისაღებად გამოიყენეთ შპრიცი ან მზომი ჭიქა, მოცემული დოზის ცხრილის მიხედვით 20მგ/კგ დოზა. 

	8კგ-მდე	8-დან 16კგ-მდე	16-დან 21კგ-მდე	21 კგ-ზე მეტი
2-ჯერ დღეში ერთეული დოზა (შპრიცი ან მზომი ჭიქა)	75 მგ (1,5მლ)	150 მგ (3მლ)	200 მგ (4მლ)	250 მგ (5მლ)

 

ფარინგიტის და შუა ყურის ანთების დროს შეიძლება მთლიანი სადღეღამისო დოზის გაყოფა ყოველ 2 საათში, დღიური დოზა  40მგ/კგ.

	8კგ-მდე	8-დან 16კგ-მდე	16-დან 21კგ-მდე	21 კგ-ზე მეტი
2-ჯერ დღეში ერთეული დოზა (შპრიცი ან მზომი ჭიქა)	150 მგ (3 მლ)	300 მგ ( 6 მლ)	400 მგ (8 მლ)	500 მგ (10 მლ)

 

სუსპენზიის გამოყენების ინსტრუქცია:

● კარგად შეანჯღრიეთ ბოთლი სანამ დაამატებთ წყალს გრანულების გახსნის ხელშესაწყობად;
● დაამატეთ წყალი ეტიკეტზე ისრით აღნიშნულ დონემდე;
● დახურეთ და კარგად შეანჯღრიეთ სანამ სუსპენზია არ გახდება ერთგვაროვანი. მოცულობა დაიწევს ისრით აღნიშნულ დონეზე დაბლა.
● კვლავ დაამატეთ წყალი ეტიკეტზე ისრით აღნიშნულ დონემდე.
● კარგად შეანჯღრიეთ სანამ არ მიიღებთ ერთგვაროვან სუსპენზიას. 
● თუ შეასრულეთ ეს მითითებები 5 მლ სუსპენზია შეიცავს 250მგ ცეფაკლორს.
● კარგად შეანჯღრიეთ სუსპენზია თითოეული მიღების წინ.

თუ თქვენ ღებულობთ ბაქტიგრამის რეკომენდებულზე მეტ რაოდენობას

ჭარბი დოზირების სიმპტომებია: გულისრევა, ღებინება, დისკომფორტი მუცელში და დიარეა. მათი სიმწვავე დამოკიდებულია მიღებულ დოზაზე. თუ სხვა სიმპტომებიც გამოვლინდა, მაშინ საქმე გვაქვს ადრე არსებულ დაავადებასთან, ალერგიულ რეაქციასთან ან სხვა ტოქსიკურ მდგომარეობასთან.

ბაქტიგრამის მიღების დავიწყების შემთხვევაში. 

არ მიიღოთ ორმაგი დოზა დავიწყებული დოზის საკომპენსაციოდ.

შესაძლო გვერდითი მოვლენები

სხვა სამკურნალო საშუალებების მსგავსად, ამ პრეპარატსაც ახასიათებს გვერდითი მოვლენები, თუმცა ყველას არ უვითარდება. 

ხშირი გვერდითი მოვლენები (უვითარდება 10-დან 1 პაციენტს);

● ჰიპერმგრძნობელობითი რეაქციები
● კუჭ-ნაწლავთან დაკავშირებული სიმპტომები, მათ შორის დიარეა.
● კიდეურების შეშუპება (ანგიოედემა), ლეიკოციტების რაოდენობის მომატება (ეოზინოფილია).

არახშირი გვერდითი მოვლენები (უვითარდება 100-დან 1-მდე პაციენტს)

● წითელას მსგავსი გამონაყარი კანზე, მაგრამ სხვა მიზეზით განპირობებული (წითელის მსგავსი);
● გენიტალიების ქავილი, სოკოვანი ინფექცია ვაგინალურ დონეზე (ვაგინალური მონილიაზი), საშოს ანთება (ვაგინიტი).
● Coombs დადებითი ტესტი (ლაბორატორიული ტესტი, რომელიც გამოიყენება აუტოიმუნური დაავადების გამოსავლენად).
● ქავილი, ურტიკარია.

ძალიან იშვიათი გვერდითი მოვლენები   (უვითარდება 1-ზე ნაკლებს 10,000-დან):

ზოგადი რეაქციები „შრატის დაავადების მსგავსი“რომელიც ხასიათდება სხვადასხვა ფორმის გავრცელებული მოწითალო ლაქებით (მრავალფორმული ერითემა), გამონაყარი კანზე და კანის სხვა სიმპტომები, მათ შორის ართრიტი და/ან ართრალგია (სახსრების ანთებითი და მტკივნეული დისკომფორტი) ცხელებით ან მის გარეშე. „შრატის დაავადების მსგავსი“ რეაქციები ვლინდება ბაქტიგრამით მკურნალობის დროს ან შემდეგ, უფრო ხშირად კი ბავშვებში და მოზრდილებში. ნიშნები და სიმპტომები აშკარა ხდება მკურნალობის დაწყებიდან რამდენიმე დღის შემდეგ და გაივლის მედიკამენტის მიღების შეწყვეტიდან რამდენიმე დღის შემდეგ. მკურნალობა ხდება ანტიალერგიული სამედიცინო პროდუქტებით (ანტიჰისტამინური მედიკამენტები) და ანთების საწინააღმდეგო სამედიცინო პროდუქტებით (კორტიზონები). მძიმე გართულებები არ არის გამოვლენილი.

ხშირი (უვითარდება 10-დან 1 პაციენტს);

ღვიძლის ფერმენტების ზომიერი მომატება (ტრანსამინაზა - SGOT და SGPT ან ტუტე ფოსფატაზა).

იშვიათი (შეიძლება განვითარდეს 100-დან 1 პაციენტში);

● ღვიძლის ფერმენტების ზომიერი მომატება, რომელიც აღნიშნავს თირკმელების ფუნქციის დარღვევას (აზოთემია,კრეატინინემია);
● ცვლილება შარდის ანალიზში.

უცნობი სიხშირე (არსებული მონაცემების მიხედვით სიხშირე არ არის შეფასებული):

● იმინურ სისტემაში სისხლის უჯრედების გარდამავალი ანომალიები (გარდამავალი ლიმფოციტოზი);
● ლეიკოციტების რაოდენობის შემცირება (ლეიკოპენია).

ბაქტიგრამის შენახვის პირობები

პრეპარატი ინახება ბავშვებისთვის მიუწვდომელ ადგილას. 

არ გამოიყენოთ მედიკამენტი ვადის ამოწურვის შემდეგ რომელიც მითითებულია შეფუთვაზე. მოქმედების ვადის ამოწურვის ბოლო დღედ ითვლება თვის ბოლო დღე.

მომზადებული სუსპეზია შეინახეთ მაცივარში +20 და + 80 ტემპერატურაზე და გამოიყენეთ 14 დღის განმავლობაში. 

 

შეფუთვა და დამატებითი ინფორმაცია

ბაქტიგრამის შემცველობა

● აქტიური ნივთიერება არის ცეფაკლორი. 5 მლ სუსპენზია შეიცავს 250მგ ცეფაკლორს (262.2 მგ ცეფაკლორის მონოჰიდრატის ექვივალენტი).

● სხვა კომპონენტებია: დიმეთიკონი, პოლისაქარიდი, E 127 ერითროზინი (ალუმინის ლაქი), მარწყვის არომატი, ნატრიუმის ლაურილის სულფატი, მეთილ ცელულოზა და საქაროზა.

ბაქტიგრამის აღწერილობა და შეფუთვის შემცველობა

ბაქტიგრამი არის გრანულები პერორალური სუსპენზიისთვის.

შეფუთვაში 100მლ განზავებული ხსნარი.

სავაჭრო ნებართვის მფლობელი 

Magis Farmaceutici S.r.l – Via Cefalonia, 70-25124 Brescia

მწარმოებელი

Facta Farmaceutici S.p.A. – Via Laurentina Km 24,730 – 00040 Pomezia (RM)

მოცემული საინფორმაციო ჩანართი განახლდა 2017 წლის მარტში.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით